കുടംപുളി

ഗുണസമൃദ്ധമാണ്‌ പീതകവചം.
ചേര്‍ത്തടുക്കിയ പുളി,മധുരങ്ങളെ
രുചിയ്ക്കുന്നതിലൊരു പിഴ മതി,
ചവര്‍പ്പൊഴുകാനും,
മായാത്ത കറ പടരാനും.

പപ്പടം

പൊടിപാറ്റിയ കാലം മാറി
ഉപ്പുനീരോടി നനഞ്ഞ്‌ കുഴഞ്ഞ്‌
വട്ടക്കണക്കിലെ വ്യഥകളിലമർന്ന്‌ പരന്ന്‌
വക്കു പിഞ്ഞിയ ഓലപ്പായിൽ
ഉണങ്ങിക്കിടക്കും.

വറചട്ടിയിലെ അനുഭവങ്ങൾ
പെരുപ്പിച്ച്‌ പോളയാക്കുന്നവരും
അതിനാവാത്തവരും
തകർന്നടിയുന്നത്‌...
ഒരേ കാലം..