Sunday, November 9, 2008

മനസ്സ്‌ പറയും..

താപം പെരുകി,പ്പുകയിലുമെന്നും
താരം കണ്ണിൽ വിടരേണം
ഉള്ളിൽപ്പടരും വേദനയുള്ളം
കയ്യിലൊതുക്കാനറിയേണം
അഴലിൻ ഭാവം പറയും കണ്ണീർ-
ക്കറ,യില്ലാക്കവിളാകേണം.
..........
കരുതും പലകുറി,യെളുതല്ലണുവിട-
പോലുമതറിയാമെന്നാലും.

************************

16 comments:

ചന്ദ്രകാന്തം said...

മനസ്സ്‌ പറയും...

മഴത്തുള്ളി said...

{{{{((((ഠോ))))}}}}

വേദനയെരിയും മനമെന്നാലും
പുഞ്ചിരി ചുണ്ടില്‍ വിരിയേണം.

ഓ.ടോ.: :)

പാമരന്‍ said...

"കരുതും പലകുറി,യെളുതല്ലണുവിട-
പോലുമതറിയാമെന്നാലും."

'വിത'യുള്ള കവിത!

അപ്പു said...

ഓഹോ. ചന്ദ്രകാന്തം പോസ്റ്റില്‍ ചോദിച്ച ചോദ്യത്തിന്റെ ഉത്തരം ആറുവരിയില്‍ പറഞ്ഞീരിക്കുകയാണല്ലോ കവയത്രീ!!

ഇതവിടെ പറഞ്ഞായിരുന്നെങ്കില്‍ അര്‍ത്ഥവത്തായേനേ..

Malayalee said...

ലോകമെമ്പാടുമുള്ള 1000കണക്കിന്‌ മലയാളീകളെ കണ്ടെടുക്കുക

നിങ്ങള്‍ ആഗ്രഹിക്കുന്നുവെങ്കില്‍ നമുക്ക് ഒന്നായി ചേര്‍ന്ന് ഒറ്റ സമൂഹമായി ഒരു കുടക്കീഴില്‍ അണിചേര്‍ന്നിടാം. നിങ്ങളുടെ ചിന്തകളും വികാരങ്ങളും പരസ്പരം പങ്കു വയ്ക്കാന്‍ ആഗ്രഹിക്കുന്നുവോ ? ദയവായി ഇവിടെ ക്ലിക് ചെയ്യുക http://www.keralitejunction.com

ഇതിന്‌ ഒപ്പമായി മലയാളീകളുടെ കൂട്ടായ്മയും ഇവിടെ വീക്ഷിക്കാം http://www.keralitejunction.com

nardnahc hsemus said...

വെറുതേ പറയ്യാ..

മുസാഫിര്‍ said...

“ഒരു താരകയെ കാണുമ്പോള്‍ അതു രാവു മറക്കും
പുതു മഴകാണ്‍കെ വരള്‍ച്ച മറക്കും പാഴ്ചിരി കണ്ടതു
മൃതിയെ മറന്നു സുഖിച്ചേ പോകും“

പാവം മനസ്സ്...

ഉപാസന || Upasana said...

നൈസ് അക്കാ
:-)
ഉപാസന

Mahi said...

പലപ്പോഴും തോന്നിയിട്ടുണ്ട്‌ ഈ ഇത്തിരിപൂവുകള്‍ പുഞ്ചിരിച്ച്‌ നില്‍ക്കുന്നത്‌ ജീവിത സത്യങ്ങള്‍ക്ക്‌ നേരെയാണെന്ന്‌

kaithamullu : കൈതമുള്ള് said...

കണ്ണില്‍ത്താരം,
ചുണ്ടില്‍ പൂരം,
അകതാരില്‍ അങ്കച്ചുരിക...
-ഒരുപാട് പേരെ എനിക്കറിയാം.
(എന്നിട്ടാ ഈ കുഞ്ഞി മനസ്സ്...!)

പ്രയാസി said...

നന്നായി ചേച്ചിയേ........യ്..

ഓടോ: ഒരു പുടീം കിട്ടീല്ല..;)

കരീം മാഷ്‌ said...

മൃതിയെ മറന്നു സുഖിച്ചേ പോകും“
പാവം മനസ്സ്...

രണ്‍ജിത് ചെമ്മാട്. said...

വാക്കുകളുടെ ഈ ഒരുമ മറ്റുള്ള കവിതകളില്‍ നിന്നും
വ്യത്യസ്ഥമായി തോന്നുന്നു..... നല്ല കോമ്പിനേഷന്‍....

സുല്‍ |Sul said...

വെര്‍തെ പറയാല്ലേ...

ഓടോ: വാക്കുകളുടെ ഇഴപിരി‍ ഇഷ്ടായി.

-സുല്‍

ഗിരീഷ്‌ എ എസ്‌ said...

ചന്ദ്രേ...
പറയേണ്ടെതെന്നറിയാതെ കുഴങ്ങുന്നു ഞാന്‍...
കവിത ഇഷ്ടമായി
ആശംസകള്‍...

lakshmy said...

എളുതാവും, ശീലം കൊണ്ട്

വളരേ നല്ല വരികൾ